საქართველოს მთავარი პროკურორის, ირაკლი შოთაძის განცხადებით, ამ ეტაპზე აფგან მუხთარლის საქმეზე ვერც ერთი მტკიცებულება ვერ იქნა მოპოვებული იმის დასადასტურებლად, თუ რა მოხდა.

როგორც მან ჟურნალისტებს განუცხადა, საქმეზე ასეულობით მოწმეა დაკითხული და ამოღებული ვიდეომასალები იმ ტერიტორიებიდან, სადაც შესაძლებელია, რაიმე ფაქტი იყოს დაფიქსირებული.

„ამ საქმეზე ასეულობით მოწმეა დაკითხული, ამოღებულია ასობით საათის ვიდეომასალა შესაბამისი ტერიტორიებიდან, სადაც შესაძლოა რამე მომხდარიყო. თუმცა ამ ეტაპზე ვერც ერთი მტკიცებულება ვერ იქნა მოპოვებული იმის დასადასტურებლად, რომ საზოგადოებას მივაწოდოთ ინფორმაცია, თუ რა მოხდა“, - განაცხადა შოთაძემ.

მანვე განმარტა, რომ პროკურატურას აზერბაიჯანში სამართლებრივი დახმარებები აქვს გაგზავნილი და მუთხარლის დაკითხვას ითხოვს.

„რაც შეეხება იმას, თუ დღესდღეობით რას ვაკეთებთ, ჩვენ გვაქვს სამართლებრივი დახმარებები გაგზავნილი აზერბაიჯანის რესპუბლიკაში და ვითხოვთ აფგან მუხთარლის დაკითხვას და ამ დაკითხვაში ჩვენი წარმომადგენლის მოაწილეობას. ასევე როგორც თქვენთვის ცნობილია, აზერბაიჯანის რესპუბლიკის სასამართლოში დადგა გამამტყუნებელი განაჩენი მუხთარლის მიმართ საზღვრის უკანონო კვეთაზე. შესაბამისად, ჩვენთვის ძალიან საინტერესოა კონკრეტულად ამ განაჩენში რა იურიდიულ ფაქტებზეა საუბარი და რას დაეყრდნო მოსამართლე ამ განაჩენის გამოტანის დროს. ჩვენთვის უმნიშვნელოვანესია აზერბაიჯანის რეპსუბლიკიდან მივიღოთ ეს ინფორმაცია“, - განაცხადა ირაკლი შოთაძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა