„ძალიან კრიზისული რეპუტაცია ჰქონდა პოლიციას წლების განმავლობაში და ეს რეპუტაცია    პოზიტიურისკენ შეიცვალა, მაგრამ ამ კონკრეტულ მოქმედებას შეიძლება საკმაოდ მნიშვნელოვანი ზიანი მოეტანა და მოიტანა კიდეც პოლიციელების რეპუტაციის თვალსაზრისით", - ასე მიმართა საპარლამენტო უმრავლესობის წევრმა დიმიტრი ცქიტიშვილმა კლუბებში ჩატარებული სპეცოპერაციაზე საუბრისას შს მინისტრს.

ცქიტიშვილისთვის გაუგებარია, რატომ გახდა საჭირო მხოლოდ ამ ორ კლუბში სპეცოპერაციის ჩატარება მაშინ, როცა სხვა კლუბებში ჩხრეკის სანქციაც იყო გაცემული.

"ბატონო  გიორგი, თქვენ  დეტალურად ახსენეთ მიზეზი ის, თუ 12 მაისს რატომ მოხდა ღამის კლუბებში სპეცოპერაციის ესეთი ფორმით დაგეგმვა, მაგრამ მე მგონია, რომ მაინც რჩება კითხვები. თუ გარეთ დაიჭირეთ რატომ გახდა აუცილებლობა შიგნით შესვლის, სამთვიანი წინასწარი მზადების შემთხვევაში. რატომ გახდა  მაინც და მაინც ამ ორ კლუბში და არა სხვაში და როგორც თქვენ თქვით, სხვა კლუბებში იყო სანქცია იმის, რომ შესვლა და ჩხრეკა მომხდარიყო. ზოგადად რამდენად პოლიტიკურად გათავისებული იყო ამ გადაწყვეტილების შედეგები? პოლიტიკურ შედეგებში ვგულისხმობ იმას, რომ გარკვეულწილად მოხდა კლუბური ცხოვრების ნაწილის დემონიზება. ჩვენ ამას ვხედავთ როგორც სოციალურ ქსელებში, ისე ქუჩაში და ის კოლარიზირებული დამოკიდებულება ერთის მხრივ ამ ახალგაზრდების, რომლებიც აპროტესტებდნენ და მეორეს მხრივ მათ მოწინააღმდეგეების კონტრაქციების, რომელიც კიდევ ცალკე თემაა და ამაზე მე ვფიქრობ რომ თქვენ გაქვთ პასუხები. დღეს როდესაც ჩვენ რეფორმებთან ერთად  ვაყალიბებთ ახალ რეპუტაციას ძალიან, ძალიან კრიზისული რეპუტაცია ჰქონდა პოლიციას წლების განმავლობაში და ეს რეპუტაცია პოზიტიურისკენ შეიცვალა. ამ კონკრეტულ მოქმედებას შეიძლება საკმაოდ მნიშვნელოვანი ზიანი მოეტანა და მოიტანა კიდევაც პოლიციელების რეპუტაციის თვალსაზრისით", - მიმართა ცქიტიშვილმა გიორგი გახარიას.

ავტორი: ,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება