2018-05-11 11:25:33, 833 ნახვა

---

ევროკავშირის სადამკვირვებლო მისია: სოფელ ნიქოზთან მაისში გავლებული ზოგიერთი ხნული ადმინისტრაციულ საზღვარს კვეთს

ევროკავშირის სადამკვირვებლო მისია სამხრეთ ოსეთის ადმინისტრაციული სასაზღვრო ხაზის გასწვრივ ხნულების გავლების ფაქტს გამოეხმაურა.

როგორც მისიის განცხადებაშია აღნიშნული, მათ ყურადღებით შეისწავლეს მიმდინარე აქტივობები და ნიქოზის მახლობლად გაძლიერებულ პატრულირებას აწარმოებენ.

„შეგვიძლია დავადასტუროთ, რომ მაისში გავლებული ზოგიერთი ხნული ადმინისტრაციულ საზღვარს კვეთს. მისია გააგრძელებს დაკვირვებას, აღბეჭდვასა და მოხსენებას მიმდინარე ყველა ქმედებაზე, რომლებიც გადაადგილების თავისუფლებასა და სტაბილურობას ხელს უშლის.

მისია აღნიშნავს, რომ სიტუაციის მიმდინარე მდგომარეობის შესახებ ინფორმაციას მხარეები ინციდენტების პრევენციისა და მათზე რეაგირების მექანიზმის მომდევნო შეხვედრაზე, 15 მაისს მიიღებენ“, - ნათქვამია ევროკავშირის სადამკვირვებლო მისიის განცხადებაში.

---

ავტორი: ,

---

დღის თემა

მთავარი თემა

ინტერვიუ - ექსკლუზივი