საქართველოს იუსიტიციის სამინისტროს ეროვნულ არქივში დღეს 26 მაისისადმი მიძღვნილი გამოფენა გაიხსნა, სადაც წარმოდგენილია 1918-1921 წლებში დამოუკიდებელი საქართველოს ისტორიის ამსახველი ფოტო და წერილობითი დოკუმენტები. 

ექსპოზიციაზე დამთვალერებელი ნახავს 1918-21 წლების მთავრობის, დამფუძნებელი კრების წევრების, სხვადასხვა ღონისძიების ამსახველ ფოტოებს, ასევე, წერილობით დოკუმენტებს, რომელიც პირველი რესპუბლიკის სიმბოლიკის დამტკიცებას შეეხება.
დღესვე ისტორიკოსმა დიმიტრი სილაქაძემ წაიკითხა საჯარო ლექცია „დამოუკიდებლობის აღდგენა 1918 წელს: შეიარაღებული ძალების შექმნის პროცესი და ორგანიზაცია“. მან ისაუბრა საქართველოს დამოუკიდებლობის აღდგენის პერიოდში ქართული შეიარაღებული ძალების შექმნის პროცესზე, რა დისკუსიები მიმდინარეობდა პოლიტიკურ ძალებსა და სამხედრო ელიტის შიგნით ჯარის მოდელის შესახებ და საბოლოოდ რა ტიპის შეიარაღებული ძალა შეიქმნა. როგორი იყო რეგულარული ჯარისა და გვარდიის ორგანიზაცია, როგორ იმართებოდა და ივსებოდა ახალწვეულებით.
გამოფენა 5 ივნისამდე გაგრძელდება. დათვალიერება თავისუფალია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო