საქართველოს შეიარაღებული ძალების სამხედრო-საინჟინრო ბრიგადაში საბრძოლო მედიკოსების ინსტრუქტორთა მომზადება დასრულდა. სწავლება ნატოს „პარტნიორობა მშვიდობისათვის“ ნდობის ფონდის პროექტ „საქართველო IV“-ის ფარგლებში ჩატარდა.
სწავლების წარმატებით დასრულება სამხედრო ექიმებს გენერალური შტაბის უფროსის მოადგილემ, პოლკოვნიკმა გიორგი კბილცეცხლაშვილმა, სამედიცინო დეპარტამენტის უფროსმა, პოლკოვნიკმა მედეა ბეთაშვილმა და ნატოს სამეკავშირეო ოფისის სამხედრო წარმომადგენელმა, პოლკოვნიკმა მაქსიმილიან ედრმა მიულოცეს. კურსის მონაწილეებს შესაბამისი სერთიფიკატებიც გადაეცა.
თეორიული და პრაქტიკული მომზადება ორი კვირის განმავლობაში მიმდინარეობდა. თავდაცვის სფეროში თანამშრომლობის ოფისისა  (ODC) და აშშ-ის ევროპული სარდლობის (EUCOM) ინსტრუქტორებმა 15 ქართველი სამხედრო ექიმი პირველადი სამედიცინო დახმარების აღმოჩენაში გადაამზადეს.
ღონისძიების დასასრულს, აშშ-ის ევროპული სარდლობის წარმომადგენლებმა ქართულ მხარეს 75 000 აშშ დოლარის ღირებულების სამედიცინო აღჭურვილობა გადასცეს. მიღება-ჩაბარების აქტს ხელი ჯარების ლოგისტიკური უზრუნველყოფის სარდლობის ხელმძღვანელმა, პოლკოვნიკმა მამუკა ცხვედიანმა და ODC-ის წარმომადგენელმა, მაიორმა კოლინ ტომფსონმა მოაწერეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო