ორგანიზაცია „რეპორტიორები საზღვრების გარეშე“ 2018 წლის „პრესის თავისუფლების მსოფლიო ინდექსს“ აქვეყნებს.

ინდექსში საქართველოს პოზიცია 3 პუნქტით გაუმჯობესდა. კერძოდ, გასულ წელს ქვეყანა 64-ე ადგილზე იყო, წელს კი, 27.34 ქულით, 61-ე ადგილზე გადმოინაცვლა.

"ქართული მედია პრურალისტულია, თუმცა ჯერ კიდევ პარალიზებულია. ქვეყნის მთავარი ოპოზიციური არხის "რუსთავი 2"-ის გარშემო არსებული მდგომარეობა დიდ გავლენას ახდენს საერთო ვითარებაზე. ჟურნალისტების წინააღმდეგ ძალადობა სულ უფრო იშვიათი ხდება", - ნათქვამია ანგარიშში.

ამასთან, ორგანიზაციის ანგარიშში, საუბარი ასევე აზერბაიჯანელი ჟურნალისტის აფგან მუხთარლის გატაცებასაც შეეხო.

"ის გაიტაცეს. საბოლოო ჯამში მუხთარლი აზერბაიჯანში იპოვეს, სადაც 6 წლით პატიმრობა მიესაჯა. 2 ჩინოსანი თანამდებობიდან გადააყენეს, თუმცა გამოძიება ამ დრომდე მიმდინარეობს", - აღნიშნულია განცხადებაში.

ცნობისთვის, "პრესის თავისუფლების მსოფლიო ინდექსში" პირველ ადგილს ნორვეგია იკავებს. ათეული კი შემდეგნაირად გამოიყურება: 1 - ნორვეგია, 2 - შვედეთი, 3- ნიდერლანდები, 4 - ფინეთი, 5 - შვედეთი, 6 - იამაიკა, 7 - ბელგია, 8 - ახალი ზელანდია, 9 - დანია, 10 - კოსტა-რიკა.

ევროპის წამყვანი ქვეყნები: გერმანია - 15 ადგილზეა, საფრანგეთი - 33-ე ადგილზეა, 40-ე ადგილს დიდი ბრიტანეთი იკავებს, იტალია - 46-ე ადგილზეა.

რაც შეეხება ამერიკის შეერტებულ შტატებს - ის 45-ე ადგილს იკავებს.

საქართველოს მეზობელი ქვეყნები: აზერბაიჯანი 163-ე ადგილზეა, თურქეთი 157-ე ადგილს იკავებს, რუსეთი 148-ე ადგილზეა, უკრაინა 101-ე ადგილს იკავებს, სომხეთი კი 80 ადგილზეა.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება