ჩუღურეთის რაიონის გამგეობა „დედამიწის კვირეულს“ აღნიშნავს. კვირეულის ფარგლებში, რაიონის გამგეობამ ხვედელიძის სკვერში გამწვანების აქცია გამართა. ჩუღურეთის რაიონის გამგებელმა ზურაბ ჩიკვილაძემ ადგილობრივ მცხოვრებლებთან და სკოლების მოსწავლეებთან ერთად ვერჰარნის სკვერში და კანკავას ქუჩაზე  ნერგები დარგო. ამავე სკვერში პროფესიონალ მხატვრებთან ერთად ბავშვებმა კედლები მოხატეს.

ღონისძიებები მიმდინარეობდა ასევე, ხვედელიძის  სკვერში, სადაც სკოლის მოსწავლეებმა მრავალწლოვან ნარგავებზე ჩიტის ფერადი ბუდეები განათავსეს. 

„ცხადია, დედამიწაზე ზრუნვა მხოლოდ ერთ დღეს, ან ერთ კვირას არ უნდა მოიცავდეს და ეს მუდმივად უნდა ვაკეთოთ, მაგრამ ამ დღეებში განსაკუთრებით მკაფიოდ უნდა განვმარტოთ, თუ რა გზით უნდა გადავჭრათ ეკოლოგიური პრობლემები. შევეცადეთ,  ღონისძიებაში მაქსიმალურად ჩაგვერთო ბავშვები, რადგან მიმაჩნია, რომ გარემოს დაცვა მათი მომავლის დაცვას ნიშნავს“, - განაცხადა ზურაბ ჩიკვილაძემ.

ყოველი წლის 22 აპრილს, მსოფლიოს 193-ზე მეტ ქვეყანაში დედამიწის საერთაშორისო დღე აღინიშნება. საქართველო ამ ქვეყნების სიას 1990 წლიდან შეუერთდა. 

(NS)

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება