გარემოს დაცვისა და სოფლის მეურნეობის სამინისტროს გარემოს ეროვნულმა სააგენტომ, საქართველოში ატმოსფერული ჰაერის ხარისხის მონიტორინგის მობილური ავტომატური სადგური აამოქმედა.

მობილური სადგურის საშუალებით, შესაძლებელია ჰაერის განსაზღვრა დედაქალაქის სხვადასხვა წერტილებსა და საქართველოს რეგიონებში.

როგორც ჟურნალისტებს გარემოს ეროვნული სააგენტოს გარემოს დაბინძურების მონიტორინგის დეპარტამენტის უფროსმა მარინე არაბიძემ განუცხადა, სადგურმა „ევროპის მოედანზე“ და „ვარდების მოედანზე“ ჰაერის ხარისხის მონიტორინგი უკვე განახორციელა და დადგინდა, რომ აღნიშნულ ლოკაციებზე ჰაერის კონცენტრაციის ყველა მაჩვენებელი ნორმაშია.

„გარემოს ეროვნულმა სააგენტომ, საქართველოში პირველი მოძრავი მობილური ავტომატური სადგური განათავსა, რომელიც აკონტროლებს 24 საათის განმავლობაში ჰაერის ხარისხს. პირველი 24 საათის განმავლობაში, რაც ეს სადგური აქ არის განთავსებული, შემიძლია გითხრათ, რომ ყველა მონაცემი რაც ისაზღვრებოდა საშუალო სადღეღამისო კონცენტრაციასთან მიმართებაში, ნორმის ფარგლებში დაიფიქსირდა. მონიტორინგი ხორციელდება იმისთვის, რომ ზუსტად ვაკონტროლოთ სხვადასხვა დროს სიტუაციები. აღსანიშნავია, რომ  სადგური არის თანამედროვე სტანდარტების შესაბამისი და აბსოლუტურად უტყუარი“, - განაცხადა მარინე არაბიძემ.

მისივე თქმით, მონიტორინგის მობილური სადგური მომავალი კვირიდან ქვეყნის სხვადასხვა რეგიონებში გადაინაცვლებს.

„გაზომვები ახალხანს დავიწყეთ. ჰაერის ხარისხი მონიტორინგის მობილური სადგური მომავალი კვირიდან მოიცავს თელავსა და გორს“, – აღნიშნა გარემოს ეროვნული სააგენტოს გარემოს დაბინძურების მონიტორინგის დეპარტამენტის უფროსმა.

მობილური ავტომატური სადგურის საშუალებით ლოკაციებზე ატმოსფერული ჰაერის რვა დამაბინძურებელი ნივთიერების კონცენტრაციები ისაზღვრება (PM10, PM2.5, ნახშირჟანგი, გოგირდის დიოქსიდი, აზოტის ოქსიდი და დიოქსიდი, NOX და ოზონი). მიღებული შედეგების შეფასება საქართველოს და ევროკავშირის სტანდარტების შესაბამისად ხორციელდება.

ცნობისთვის, ჰაერის მონიტორინგის სადგურები თბილისის გარდა, ქუთაისსა და ბათუმშია დამონტაჟებული და  მიმდინარე წელს, მისი განთავსება რუსთავშიც იგეგმება.

სალომე უბირია, თამარ ლომაშვილი

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება