მექსიკასთან საზღვრის დაცვაში აშშ-ის ეროვნული გვარდია ჩაერთვება

2018-04-05 12:13:23, 2095 ნახვა

მსოფლიო

ამერიკის შეერთებული შტატების პრეზიდენტი დონალდ ტრამპი ხელს აწერს პროკლამაციას, რომლის მიხედვითაც გაიცემა ბრძანება, რომ მექსიკასთან აშშ-ის საზღვრის დაცვაში მონაწილეობას ეროვნული გვარდია მიიღებს, - ამის შესახებ აშშ-ის უსაფრთხოების მდივანმა კირსტენ ნილსენმა თეთრ სახლში გამართულ ბრიფინგზე განაცხადა.

„იმედი გვაქვს, რომ შენაერთების განთავსების პროცესი დაუყოვნებლივ დაიწყება. დღეს მე გავაგრძელებ მოლაპარაკებებს გუბერნატორებთან. მოგეხსენებათ, ეს კეთდება შეთანხმების მემორანდუმის საფუძველზე. ასე რომ, ჩვენ სრული დატვირთვით ვმუშაობთ, რომ ამ შეთანხმებას დროულად მივაღწიოთ“, – განაცხადა ნილსენმა.

შეგახსენებთ, რომ აშშ-ს პრეზიდენტმა, დონალდ ტრამპმა მექსიკის საზღვართან კედლის მშენებლობასა და არალეგალი მიგრანტების მიმართ პოლიტიკის გამკაცრებაზე განკარგულებებს ხელი 25 იანვარს მოაწერა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები