როგორც კი კიევის ცენტრში ბევრი ადამიანი შეიკრიბება, იმავე დღეს დავბრუნდები", - ამის შესახებ საქართველოს ყოფილმა პრეზიდენტმა მიხეილ სააკაშვილმა Newsone-თან ინტერვიუში განაცხადა.

როგორც სააკაშვილმა განმარტა, ის ძალის გამოყენებას არ აპირებს და კიევში მშვიდობიანი გზით დაბრუნდება.

"ჩავჯდები თვითმფრინავში და უბრალოდ "ბორისპოლში" ჩავფრინდები. არ დავიწყებ მავთულხლართების გარღვევას, არც მთის ბილიკებზე გადასვლას, უბრალოდ, თვითმფრინავში ჩავჯდები და ჩავალ", - განაცხადა სააკაშვილმა.

ინტერვიუს დროს პოლიტიკოსმა უკრაინაში რადას დეპუტაის ნადეჟდა სავჩენკოს დაკავებასაც გამოეხმაურა და ქვეყნის ხელისუფლება გააკრიტიკა.

"რაც შეეხება სავჩენკოს - ისინი ერთ დიდ საქმეს ამზადებენ: სახელმწიფო გადატრიალებას. იქ ყველა ერთად იქნება - სავჩენკო, სააკაშვილი, კურჩენკოს რაღაც თანხები. ამ რეჟიმმა უკრაინელებს არანაირი წარმატება ბოლო 5 წლის განმავლობაში არ მოიტანა. ისინი იტყვიან, რომ ვერაფერს მიაღწიეს, სწორედ ამ გადატრიალების მზადების გამო", - განაცხადა ყოფილმა პრეზიდენტმა.

ავტორი: ,

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება