„გარემოზე ზემოქმედების შესახებ“ კანონპროექტის პირველადი სამუშაო ვერსია სასტუმროში „ჰოლიდე  ინნ“ განიხილეს.

ამის შესახებ „ექსპრესნიუსს“ გარემოს დაცვის სამინისტროდან აცნობეს.

მათივე ინფორმაციით, საჯარო განხილვა გარემოსა და ბუნებრივი რესურსების დაცვის მინისტრის მოადგილემ  მაია ბითაძემ გახსნა.

 კანონპროექტი გაეროს ევროპის ეკონომიკური კომისიის ფინანსური მხარდაჭერით, „მწვანე ეკონომიკა აღმოსავლეთ სამეზობლოში“ პროგრამის ფარგლებში შემუშავდა.

„ახალი კანონმდებლობით გაფართოვდება და სრულყოფილად ჩამოყალიბდება ეკოლოგიურ ექსპერტიზას დაქვემდებარებული საქმიანობების ჩამონათვალი. დაინერგება სკრინინგისა და სკოპინგის ეტაპები, რაც სამინისტროსა და საქმიანობის განმახორციელებელს შორის სწორ კომუნიკაციას უზრუნველყოფს. ასევე, შესაძლებლობას მისცემს საქმიანობის განმახორციელებელს დროულად აღიქვას პროექტის განხორციელებასთან დაკავშირებული რისკები, რათა სწორად დაგეგმოს და განხორციელედეს ესა თუ ის საქმიანობა.

ახალი კანონპროექტის მიხედვით, საზოგადოებას შესაძლებლობა ექნება მონაწილეობა მიიღოს როგორც ნებართვის გაცემის, ასევე სტრატეგიული გარემოსდაცვითი შეფასების პროცესის თითოეულ სტადიაზე. დაინერგება სექტორული სტრატეგიული გარემოსდაცვითი შეფასების სისტემა.  შემცირდება ერთი მხრივ ინვესტორის შესაძლო ფინანსური დანაკარგების რისკი, მეორე მხრივ, სამინისტროსთვის გაჩნდება მეტი ბერკეტი მიიღოს გონივრული გადაწყვეტილება ქვეყნის მდგრადი განვითარებისთვის“, - ნათქვამია გარემოს დაცვის სამინისტროს განცხადებაში.

საჯარო განხილვას სამთავრობო, არასამთავრობო და საერთაშორისო ორგანიზაციების წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო