არჩილ ტატუნაშვილის ახლობლებმა თბილისი-სენაკი-ლესელიძის  ცენტრალური მაგისტრალი გადაკეტეს. შესაბამისად, ადგილზე მოძრაობა პარალიზებულია. მანამდე ისინი აქციას მართავდნენ მცხეთა-სტეფანწმინდის საავტომობილო  გზაზე, სადაც მობილიზებული იყო სამართალდამცველები.

როცა აქციის მონაწილეებმა ცენტრალური მაგისტრალის გადაკეტვა დააპირეს, სამართალდამცველები მათ შეეწინააღმდეგენ, რაც დაპირისპირებაში გადაიზარდა. ასევე, ინციდენტი მოხდა დავით ქაცარავასა და უმრავლესობის წევრ დიმიტრი ხუნდაძეს შორის. ქაცარავა ითხოვდა, არ შეეშალათ ხელი აქციის მონაწილეებისთვის. ადგილზე სასწრაფო სამედიცინო დახმარების გამოძახებაც გახდა საჭირო.

შეგახსენებთ, 22 თებერვალს, საოკუპაციო რეჟიმმა ჩვენი 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი, ახალგორში უკანონოდ დააკავა. 23 თებერვალს  კი, ცნობილი გახდა, რომ არჩილ ტატუნაშვილი გაურკვეველ ვითარებაში გარდაიცვალა.

ოკუპირებული ცხინვალის დე-ფაქტო ხელისუფლებამ ცხედრის გადმოცემაზე დღეს  უარი თქვა.

ე.წ. ხელისუფლების ინფორმაციით, პირველადი დათვალიერებით სიღრმისეული ექსპერტიზა ვერ ჩატარდა, რის გამოც მათ რუსეთის საექსპერტო ბიუროს მიმართეს. აღნიშნულ პროცესს კი, მათივე თქმით, რამდენიმე დღე დასჭირდება.

რაც შეეხება ტატუნაშვილთან ერთად დაკავებულ საქართველოს ორ მოქალაქეს, ისინი ჯერ კიდევ ოკუპირებული ახალგორის ტერიტორიაზე იმყოფებიან და საქართველოს ცენტრალური ხელისუფლების კონტროლირებად ტერიტორიაზე გადმოსვლას ვერ ახერხებენ.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს