2018-02-16 18:34:37, 2201 ნახვა
მსოფლიო
აშშ ევროპაში სამხედრო კომპონენტს აფართოებს
აშშ-ი ევროპაში სამხედრო კომპონენტს აფართოებს, – ამის შესახებ ნატო-ს გენერალურმა მდივანმა, იენს სტოლტენბერგმა მიუნხენის კონფერენციის დროს ჟურნალისტებს განუცხადა.
მისი თქმით, ვაშინგტონი ზრდის როგორც სამხედრო მოსამსახურეების, ასევე სამხედრო აღჭურვილობის რაოდენობას.
ჩრდილოატლანტიკური ალიანსის ხელმძღვანელმა აღნიშნა, რომ აშშ-ი ნატო-ს ერთგულია არა მხოლოდ სიტყვით, არამედ საქმითაც.
სტოლტენბერგმა ნატო-რუსეთის ურთიერთობაზეც გაამახვილა ყურადღება და აღნიშნა, რომ ბრიუსელს მოსკოვთან ახალი ცივი ომი და გამალებულ შეიარაღებაში ჩართვა არ სურს და დიალოგის მომხრეა.
მიუნხენის უსაფრთხოების 54-ე კონფერენცია სამი დღის განმავლობაში, 16-18 თებერვალს გაიმართება.
კონფერენციაში ქართული დელეგაციაც მონაწილეობს. მას პრემიერმინისტრი გიორგი კვირიკაშვილი ხელმძღვანელობს.
![]()
ავტორი: ,
epn.ge (@expressnews.ge)
