ზურაბ ჭანტურია: გამოძიების კითხვები 2010 წელს, ე.წ. სტამბოლის ბაზრობის წილების დათმობას ეხებოდა

2018-01-23 16:50:29, 2342 ნახვა

სამართალი

„კითხვები ე.წ. სტამბოლის ბაზრობის წილების გადაფორმებაზე დამისვეს“ - ზურაბ ჭანტურიას გამოკითხვა დასრულდა

გენერალ სამსონ ქუთათელაძის საქმის ფარგლებში დაკავებული შემდეგ გათავისუფლებული გიორგი ჭანტურიას მამამ, ზურაბ ჭანტურიამ, ქვემო ქართლის სამხარეო პოლიციის მთავარი სამმართველოს შენობა დატოვა.

როგორც ზურაბ ჭანტურიამ 3-საათიანი დაკითვიხს შემდეგ ჟურნნალისტებს განუცხადა, გამომძიებელმა შეკითხვები 2010 წელს ე.წ. სტამბოლის ბაზრის წილების დათმობასთან დაკავშირებით დაუსვეს. მისივე თქმით, წილი მას ზეწოლის შედეგად დაათმობინეს.

"კერძოდ აინტერესებდათ, რამდენი პროცენტი მქონდა ე.წ. სტამბოლის ბაზრობის წილის, ასევე როდის მოხდა ამ წილების გადაფორმება. 2010 წელს გადავაფორმეთ ეს წილები ხელისუფლების სასარგებლოდ", - განაცხადა ჭანტურიამ.

კითხვაზე ჰქონდა თუ არა მის შვილს, გიორგი ჭანტურიას გენერალ სამსონ ქუთათელაძესთან დაძაბული ურთიერთობა, ზურაბ ჭანტურიამ აღნიშნა, რომ დაძაბულობას გამორიცხავს.

"არამგონია, რომ დაძაბული ურთიერთობა ჰქონოდათ. ეს ინფორმაცია პირველად მესმის თქვენგან", - დასძინა ზურაბ ჭანტურიამ.

ცნობისთვის, ზურაბ ჭანტურია საქმის ფარგლებში დაკითხვაზე უკვე მეორედ იმყოფებოდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები