სამსონ ქუთათელაძის მკვლელობის გამოძიების ფარგლებში, მტკვარზე საგამოძიებო მოქმედებები გრძელდება

2018-01-22 11:27:26, 1858 ნახვა

სამართალი

რუსთავში, მტკვრის მარჯვენა სანაპიროზე, მესამე დღეა საგამოძიებო მოქმედებები მიმდინარეობს.

აღნიშნული პროცესი ე.წ. სტამბოლის ბაზრობაზე მოკლული გენერლის, სამსაონ ქუთათელაძის საქმეს უკავშირდება.

ექსპერტ-კრიმინალისტებს მდინარიდან ჯერჯერობით რაიმე კონკრეტული ნივთი არ ამოუღიათ. სპეციალისტები სავარაუდოდ, მკვლელობის იარაღს ეძებენ.

შეგახსენებთ, რუსთავში, ე.წ. სტამბოლის ბაზრობის ერთ-ერთი მეწილე სამსონ ქუთათელაძე 15 იანვარს მოკლეს. მომხდარზე გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

17 იანვარს, ქუთათელაძის მკვლელობის საქმის გამოძიების ფარგლებში, სამართალდამცველებმა გიორგი ჭანტურია დააკავეს, რომელიც ე.წ. სტამბოლის ბაზრობის ყოფილი მეწილეა. მის მიმართ საქმე სსკ-ის 236-ე მუხლით დაიწყო, რაც საბრძოლო მასალის უკანონო შენახვას გულისხმობს. თუმცა, მოგვიანებით, ჭანტურია ბრალის წარდგენის გარეშე გაათავისუფლეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები