ბათუმის მოვლენების ორგანიზებაში ბრალდებულ“თავისუფალი ზონის“ აქტივისტ   ირაკლი ჩხვირკიას და მერაბ ღოღობერიძეს 1 წლითა და 6 თვით თავისუფლების აღკვეთა მიესაჯა.

სასამართლომ გადაწყვეტილება ცოტა ხნის წინ გამოაცხადა.

მათ  ბრალი საქართველოს სისხლის სამართლის კოდექსის 225-ე მუხლის პირველი ნაწილით ჰქონდათ წარდგენილი,  რაც მასობრივ არეულობას გულისხმობს. თუმცა მოსამართლემ გადააკვალიფიცირა და 226-ე მუხლით შეცვალა. აღნიშნული მუხლი გულისხმობს ჯგუფური მოქმედების ორგანიზებას, რომელიც არღვევს საზოგადოებრივ წესრიგს, ან მასში აქტიურ მონაწილეობას.

გამოძიების ინფორმაციით, 2017 წლის 12 მარტს, პოლიციის თანამშრომლების წინააღმდეგ, ქალაქ ბათუმში, ჭავჭავაძის ქუჩაზე, სავაჭრო ცენტრ „ბათუმი პლაზას“ მიმდებარე  ტერიტორიაზე  მერაბ ღოღობერიძის   და ირაკლი ჩხირკვიას  მიერ, სხვადასხვა დროს, განხორციელდა  ძალადობის ორგანიზება და ხელმძღვანელობა, რა დროსაც ხელკეტების, ქვების და ე.წ. „მოლოტოვის კოქტეილის“ გამოყენებით ათეულობით პირი თავს დაესხა პოლიციის თანამშრომლებს და ცდილობდნენ შინაგან საქმეთა სამინისტროს აჭარის ა.რ. პოლიციის დეპარტამენტის შენობაში შეჭრას.

თავდასხმის შედეგად სხეულის დაზიანება მიიღო 35-მა პოლიციელმა.

მათივე ცნობით,  თავდამსხმელებმა ცეცხლის წაკიდებით დააზიანეს და გაანადგურეს სახელმწიფოსა და მოქალაქეების კუთვნილი 83 680 ლარის ღირებულების ავტომანქანები და 132 770 ლარის ღირებულების ქ.ბათუმის მერიის კუთვნილი ქონება.

ავტორი: ,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.