2017-12-26 13:26:06, 3097 ნახვა
მსოფლიო
პერუს ყოფილი პრეზიდენტი ალბერტო ფუხიმორი შეიწყალეს
პერუს პრეზიდენტმა პედრო პაბლო კუჩინსკიმ, პატიმრობაში მყოფი ქვეყნის ყოფილი პრეზიდენტი ალბერტო ფუხიმორი შეიწყალა. ამის შესახებ Deutsche Welle წერს.
პრეზიდენტის ადმინისტრაციამ ამ გადაწყვეტილების მიზეზად ექსპრეზიდენტის ჯანმრთელობის მდგომარეობა დაასახელა. მას სიმსივნე აქვს. 79 წლის ფუხიმორი ციხიდან საავადმყოფოში გადაიყვანეს.
ყოფილი პრეზიდენტის შეწყალების ფაქტს პერუში პროტესტი მოჰყვა. დედაქალაქ ლიმაში 5 ათასამდე ადამიანი შეიკრიბა. პოლიციამ აქცის მონაწილეების წინააღმდეგ ცრემლსადენი გაზი გამოიყენა და რამდენიმე ადამიანი დააკავა.
ალბერტო ფუხიმორი პერუს 1990-დან 2000 წლებში მართავდა. ადამიანის უფლებების დარღვევისა და კორუფციისთვის მას 25-წლიანი პატიმრობა მიუსაჯეს. ექსპრეზიდენტმა ციხეში 12 წელი გაატარა.
![]()
ავტორი: ,
epn.ge (@expressnews.ge)
