სოფლის მეურნეობის მინისტრი ლევან დავითაშვილი ახალი ზელანდიის ელჩს საქართველოში (რეზიდენციით ქალაქი ვარშავა) მერი თურსტონს შეხვდა.

შეხვედრაზე მინისტრმა საქართველოს აგრარული პოტენციალის შესახებ და აგრარული პროდუქციის ექსპორტის ზრდისთვის ბაზრების  დივერსიფიცირების მნიშვნელობის საკითხზე ისაუბრა.

მხარეებმა ახალ ზელანდიაში ქართული სასოფლო-სამეურნეო პროდუქციის (მათ შორის, ღვინო, თხილი, კივი) ექსპორტის  განვითარების შესაძლებლობები განიხილეს.

ლევან დავითაშვილმა ახალი ზელანდიის ელჩს ის პროექტები გააცნო, რომელსაც საქართველოს ხელისუფლება დარგის სწრაფი და ეფექტიანი განვითარებისთვის ახორციელებს და რომლის მიზანიც აგრობიზნესის სტიმულირება და ადგილობრივი წარმოების ზრდაა.

შეხვედრაზე მერი თურსტონმა საქართველოსთან აგრარული მიმართულებით სავაჭრო-ეკონომიკური ურთიერთობის გაღრმავებისა და ქვეყნებში არსებული გამოცდილების გაზიარების კუთხით თანამშრომლობის სურვილი გამოთქვა.

(NS)

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება