„ჩემთვის დიდი პატივია, გამოვავლინო გამარჯვებული ნომინაციაში „წლის ქართული პროდუქტი" იმიტომ, რომ ყველა ჩვენთაგანისთვის ქართული პროდუქტი ასოცირდება ნატურალურთან, კარგთან, ხარისხიანთან", - განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა პროექტის „ბიზნეს დაჯილდოება 2017"-ის ფინალურ ღონისძიებაზე, რომელიც „თიბისი ბანკისა" და „ჯეოსელის" ორგანიზებით წელს უკვე მეორედ გაიმართა.

პირველმა ვიცე-პრემიერმა დიმიტრი ქუმსიშვილმა მადლობა გადაუხადა ბიზნეს დაჯილდოების ორგანიზატორებს უკვე ტრადიციად ქცეული ღონისძიებისათვის და აგრეთვე ყველა იმ მეწარმეს, რომელმაც აღნიშნულ პროექტში მიიღო მონაწილეობა.

„წლის ქართულ პროდუქტად" კომპანია „კულა" დასახელდა. პირველმა ვიცე-პრემიერმა დიმიტრი ქუმსიშვილმა კომპანიის დამფუძნებელს და გენერალურ დირექტორს ივანე გოგლიძეს საპატიო პრიზი გადასცა.

პროექტში განაცხადების მიღება 20 ივნისიდან დაიწყო და  აგვისტოს ბოლომდე გაგრძელდა. სულ პროექტში წელს 661 კომპანია დარეგისტრირდა, მათგან ფინალისტები შემდეგ 6 ნომინაციაში დამოუკიდებელმა ჟიურიმ გამოავლინა:  "წლის ინოვაციური ბიზნესი", "წლის ტურისტული ბიზნესი", "წლის აგრობიზნესი",  "წლის ქართული პროდუქტი", "წლის მცირე ბიზნესი" და „წლის ბიზნესი".

(NS)

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება