იუსტიციის უმაღლეს სკოლაში სასამართლოს მოხელეთა სპეციალური სასწავლო კურსის მსენელთა სერთიფიკატების გადაცემის ღონისძიება გაიმართა.

როგორც იუსტიციის უმაღლესი სკოლის დირექტორმა ლაშა მაღრაძემ აღნიშნა, უმაღლესი სკოლის 18 წარმატებულ მსენელს შესაძლებლობა ექნებათ სტაჟირება თბილისის საქალაქო  სასამართლოში გააგრძელონ.

„იუსტიციის უმაღლესი სკოლის საქმიანობის ერთ-ერთი მიმართულებაა სასამართლოს მოხელეთა სწავლება. დღეს ჩვენ სერტიფიკატებს გადავცემთ 18 წარმატებულს მსენელს, რომლებმაც გაიარეს სასამართლოს მოხელის  ორ  თვიანი სპეციალური  სასწავლო კურსი. თავის მხრივ ორიენტირებული იყო, როგორც თეორიულ ასევე პრაქტიკულ სწავლებაზე. 18 წარმატებული მსმენელს ექნებათ შესაძლებლობა გააგრძელონ სტაჟირება თბილისის საქალაქო სასამართლოში, რაც კიდევ უფრო მეტად გაზრდის მათ შესაძლებლობას შემდგომ დასაქმებას სასამართლო სისტემაში. იუსტიციის უმაღლესი სკოლა კიდევ ერთხელ გამოაცხადებს საბუთების მიღებას სპეციალურ სასწავლო კურსზე სწავლების მსურველთათვის“,-განაცხადა ლაშა მაღრაძემ.

მსენელებმა იუსტიციის უმაღლეს სკოლაში, სასამართლოს მოხელეთა სპეციალურ სასწავლო კურსზე  ორი თვის განმავლობაში ისწავლეს. სწავლება მოიცავდა, როგორც  ინტენსიურ თეორიულ ასევე პრაქტიკულ მეცადინეობებს. მსენელებმა სასწავლო კურსის ბოლოს, პრაქტიკის განზოგადების მიზნით იმიტირებული სასამართლო პროცესები გამართეს თბილისის სააპელაციო და თბილისის საქალაქო სასამართლოებში.

სერთიფიკატები გადაეცა იმ 18 მსენელს, რომლებმაც სასამართლოს მოხელეთა სპეციალური სასწავლო კურსის დამამთავრებელი  გამოცდა წარმატებით ჩააბარა, ასევე მათ დამატებით მიეცემათ საშუალება პროფესიული სტაჟირება გაიარონ თბილისის საქალაქო სასამართლოში.

იუსტიციის უმაღლესი სკოლის მიერ, სასამართლოს მოხელეთა სპეციალური სასწავლო  კურსის გავლის დამადასტურებელი სერთიფიკატებო მსენელებს შესაძლებლობას მისცემს იმუშაონ საქართველოს საერთო სასამართლოების სისტემაში.

მსენელებს სერთიფიკატები იუსტიციის უმაღლესი სკოლის  დირექტორმა ლაშა მაღრაძემ გადასცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს