„მომავალ წელს თავდაცვის სამინისტროსთვის ერთ-ერთი პრიორიტეტი შავი ზღვის რეგიონის უსაფრთხოების განმტკიცება და რეგიონული თანამშრომლობის გაღრმავება იქნება“, - ამის შესახებ საქართველოს თავდაცვის მინისტრმა ლევან იზორიამ რუმინეთის შეიარაღებული ძალების გენერალური შტაბის უფროსთან, გენერალ ნიკოლაი იონელ ჩიუკასთან შეხვედრის შემდეგ განაცხადა.

ლევან იზორიასა და გენერალ ნიკოლაი იონელ ჩიუკას შეხვედრის ერთ-ერთი მთავარი თემა, სწორედ, შავი ზღვის რეგიონის უსაფრთხოების საკითხი იყო.

თავდაცვის მინისტრმა შავი ზღვის რეგიონის უსაფრთხოების უზრუნველყოფის საქმეში რუმინეთთან თანამშრომლობის მნიშვნელობა ხაზგასმით აღნიშნა.

მისი განცხადებით, ამ და თანამშრომლობის სხვა საკითხებთან დაკავშირებით უახლოეს მომავალში რუმინეთში მაღალი დონის ვიზიტიც იგეგმება.

მხარეებმა სამხედრო განათლების სფეროში თანამშრომლობისა და მრავალეროვნულ სწავლებებში რუმინელი სამხედროების მონაწილეობის საკითხები, ასევე თავდაცვის სფეროში თანამშრომლობის გეგმაც განიხილეს. 

შეხვედრას თავდაცვის მინისტრის პირველი მოადგილე ლელა ჩიქოვანი, საქართველოს შეიარაღებული ძალების გენერალური შტაბის უფროსი, გენერალ-მაიორი ვლადიმერ ჩაჩიბაია, საქართველოში რუმინეთის საგანგებო და სრულუფლებიან ელჩი, რადუ ლივიუ ჰორუმბა, რუმინეთის თავდაცვის ატაშე, პოლკოვნიკი ვალერიკა პიროშა და რუმინეთის დელეგაციის წევრები დაესწრნენ.

გენერალი ნიკოლაი იონელ ჩიუკა საქართველოში ოფიციალური ვიზიტით იმყოფება და მას ქართველი კოლეგა, გენერალ-მაიორი ვლადიმერ ჩაჩიბაია მასპინძლობს.

(NS) 

ავტორი: ,

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა