ამ წუთებში შუახევის მერიაში შტაბის საგანგებო სხდომა მიმდინარეობს, სადაც მუნიციპალიტეტში არსებულ მდგომარეობასა და განხორციელებულ ღონისძიებებს განიხილავენ.

სხდომა მუნიციპალიტეტის მერი ფრიდონ ფუტკარაძე უძღვება.

შუახევში მესამე დღეა ინტენსიურად თოვს. თოვლის საფარი დაბა შუახევში 30-40 სმ-ია, მაღალი ზონის სოფლებში 90-120 სმ-ს აღწევს.

ბათუმი-ახალციხის საავტომობილო გზის შუახევის მონაკვეთზე ტრანსპორტის მოძრაობა არ შეფერხებულა. მუნიციპალიტეტის ადმინისტრაციულ ერთეულებთან დაკავშირება შესაძლებელია მაღალი გამავლობის, ორხიდიანი ტრანსპორტით მოცურების საწინააღმდეგო ჯაჭვებით. მაღალი ზონის სოფლებში ტრანსპორტი ვერ მოძრაობს. უმეტესი სოფლებიდან სამგზავრო ტრანსპორტი არ გამოსულა.

მძიმე თოვლმა დააზიანა როგორც 0,35 კვ ისე 10 კვ ელექტროგადამცემი ხაზები და ამჟამად მუნიციპალიტეტს ელექტროენერგია საერთოდ არ მიეწოდება. სულ მალე დაიწყება აღდგენითი სამუშაოები.

ელექტრომიწოდების შეწყვეტის გამო არ მუშაობს ჭვანის, უჩამბის, ხიჭაურის, ბარათაულის, ჭალა-წყაროთის საბავშვო ბაგა-ბაღები. შეწყვეტილია სწავლა ნაღვარევისა და უჩამბის საჯარო სკოლებშიც.

მუშაობს ყველა სახელმწიფო დაწესებულებები. მოსახლეობა უზრუნველყოფილია სათბობით (შეშით), სურსათით, პირუტყვის საკვებით.

მზადყოფნაშია საგზაო ტექნიკა და გამოდარებისთანავე დაიწყება გზების აღდგენის სამუშაოები.

მერიაში საგანგებო შტაბი 24 საათიან რეჟიმში აგრძელებს მუშაობს.

(NS)

ავტორი: ,

სოციალური ქსელები

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს