უკრაინის შს მინისტრის შვილი კიევის სასამართლომ გაუსვლელობის ხელწერილით გაათავისუფლა

2017-11-02 08:07:10, 2199 ნახვა

მსოფლიო

კიევის სასამართლომ უკრაინის შინაგან საქმეთა მინისტრის, არსენ ავაკოვის შვილი, ალექსანდრ ავაკოვ გაუსვლელობის ხელწერილით გაათავისუფლა, - ამის შესახებ 112.UA იუწყება.

მედია საშუალების ინფორმაციით, ალექსანდრე ავაკოვს არ აქვს უფლება სასამართლოსა და გამოძიებისთვის შეტყობინების გარეშე ქალაქი დატოვოს. გარდა ამისა, შს მინისტრის შვილმა მიგრაციის სამსახურს საზღვარგარეთის პასპორტი უნდა ჩააბაროს და მოწმეებთან ურთიერთობისგან თავი შეიკავოს.

როგორც სააგენტო წერს, პროკურატურა ავაკოვის შვილის 2 თვით წინასწარ დაკავებას ითხოვდა.

ცნობისთვის, უკრაინის შინაგან საქმეთა მინისტრის არსენ ავაკოვის შვილი, ალექსანდრ ავაკოვი, ანტიკორუფციული ბიუროს მიერ ჩატარებული ჩხრეკის შემდეგ დააკავეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები