ტერორისტული დაჯგუფება "ისლამური სახელწმიფოს" ლიდერმა, აბუ ბაქრ ალ-ბაღდადმა მორიგი აუდიოჩანაწერი გამოაქვეყნა, - ამის შესახებ Reuters-ი იუწყება.

მედია საშუალების ინფორმაციით,  46-წუთიანი მიმართვა ჯიჰადისტებთან დაკავშირებულ სააგენტო Al-Furqan-ზე გავრცელდა.

აუდიოჩანწერში აბუ ბაქრ ალ-ბაღდადი სირიასა და ერაყში მიმდინარე მოვლენებზე, ასევე ამერიკის შეერთებულ შტატებსა და იაპონიის მიმართ ჩრდილოეთ კორეის საფრთხეებზე საუბრობს.

ამასთან, ალ-ბაღდადი მიმდევრებს მოუწოდებს დაწვან მტრები და მთელი ძალები „ურწმუნოთა მედია-ცენტრებზე“ მიმართონ.

"ხალიფატის ჯარისკაცებო მიმართეთ ომის ცეცხლი თქვენს მტრებზე. მიიტანეთ იერიში ურწმუნოთა მედია-ცენტრებზე და მათი იდეოლოგიური ომის შტაბ-ბინაზე. იბრძოლეთ ბოლომდე და არ დანებდეთ. გააგრძელეთ თქვენი ჯიჰადი და დალოცვილი მისიები. არ მისცეთ საშუალება ბედნიერად და მშვიდობიანად იცხოვრონ საკუთარ სახლებში“, - განაცხადა დაჯგუფების ლიდერმა.

ჯიჰადისტების ლიდერის ბოლო აუდიომიმართვა 2016 წლის ნოემბრის დასაწყისში გამოქვეყნდა. ეს პირველი მიმართვაა, რომელიც მას შემდეგ გავრცელდა, რაც ალ-ბაღდადის გარდაცვალებაზე ალაპარაკდნენ.

შეგახსენებთ, რომ 16 ივნისს რუსეთის თავდაცვის სამინისტრომ განაცხადა, რომ ალ-ბაღდადი დაიღუპა. 1 სექტემბერს კი აშშ-ის კოალიციამ განაცხადა, რომ "ისლამური სახელმწიფოს" ლიდერი სავარაუდოდ ცოცხალია.

ავტორი: ,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება