ეკონომიკის მინისტრი გიორგი გახარია უარყოფს მედიაში გავრცელებულ ინფორმაციას, რომლის თანახმადაც, ის კომპანია „ფუდოტელის“ მფლობელია.

გახარიას თქმით, დღეის მდგომარეობით, მას არანაირი ბიზნეს ინტერესი, ან შემოსავალი ბიზნესიდან არ აქვს და არც ჰქონია:

"ვინც ეს სიუჟეტი მოამზადა, ცოტა უფრო კვალიფიციური რომ ყოფილიყო, ან კეთილსინდისიერი, ამ ყველაფერთან ერთად აჩვენებდა იმას, რომ იქ არის მონაცემები, რომ 2012 წლის შემდეგ ეს კომპანია მხოლოდ ქაღალდზე არსებობს, ქაღალდიც არ არსებობს, ვირტუალურია. დღეის მდგომარეობით, მე - გიორგი გახარიას არა მაქვს არანაირი არც ინტერესი, არც შემოსავალი ბიზნესიდან საქართველოს ფარგლებს გარეთ. უფრო მეტიც, არ მაქვს და არც მქონია საქართველოში არასდროს  ბიზნესის თანამონაწილეობა, ან შეხება საერთოდ და შემოსავალი ბიზნესიდან. ეს ყველაფერი გაკეთებული იყო იმისთვის, რომ ეს მკვდარი ვირტუალური კომპანია დაეკავშირებინათ, დრამატურგია იყო დადგმული, ეს იყო და ეს. სხვათაშორის კოლეგებმა აჩვენეს მთელი რიგი ლიკვიდირებული კომპანიებიც, 2012 წლამდე ბევრი რამე იყო", - განაცხადა გახარიამ.

კიდევ ერთ კომპანიასთან, "შტულე ჰოლდინგ ლიმითედთან" დაკავშირებით მის ინტერესებს, გახარია სრულ ტყუილს უწოდებს.

"ეს არის სრული ტყუილი. შეიძლება იყო რაღაც საარბიტრაჟო დავა, რომელიც წლების წინ არის დასრულებული, ახლა ამაზე კომენტარს ხომ არ გავაკეთებ?!" - აღნიშნა გახარიამ.

ავტორი: ,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება