მექსიკაში მომხდარი ძლიერი მიწისძვრის გამო, სამდღიანი გლოვა გამოცხადდა

2017-09-21 10:22:04, 2582 ნახვა

მსოფლიო

მექსიკის პრეზიდენტმა ძლიერი მიწისძვრის გამო, სამდღიანი გლოვა გამოაცხადა, - ამის შესახებ BBC იუწყება.

მედია საშუალების ინფორმაციით, ენრიკე პენია ნიეტომ დაზარალებული რეგიონები თავად მოინახულა.

როგორც მედია წერს, სტიქიური უბედურების ზონაში სამაშველო ოპერაციები გრძელდება. მაშველები და სამხედროები ნანგრევებში მოყოლილების გადარჩენას ცდილობენ. მათ შორის არის გოგონა, რომელიც სკოლის ჩამონგრევის დროს მიწისქვეშ აღმოჩნდა. მისი ამოყვანა ამ დრომდე ვერ ხერხდება.

შეგახსენებთ, რომ მექსიკაში 19 სექტმებერს მიწისძვრა მოხდა. მიწისძვრა 7.1 მაგნიტუდის სიმძლავრის იყო. სტიქიის შედეგად 200-ზე მეტი ადამიანი დაიღუპა, 2 მილიონზე მეტი კი, ელექტროენერგიის გარეშე დარჩა. ამასთან, ნგრევა 40-ზე მეტ ლოკაციაზე დაფიქსირდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები