ესპანეთმა ჩრდილოეთ კორეის ელჩი პერსონა ნონ გრატად გამოაცხადა

2017-09-19 15:37:14, 2820 ნახვა

მსოფლიო

ესპანეთის ხელისუფლებამ ჩრდილოეთ კორეის ელჩი პერსონა ნონ გრატად გამოაცხადა, - ამის შესახებ ინფორმაცია ესპანეთის საგარეო საქმეთა სამინისტროს Twitter-ის ოფიციალურ გვერდზე გამოქვეყნდა.

როგორც უწყების ინფორმაციაშია ნათქვამი, ელჩს ქვეყნის დატოვება 30 სექტემბრამდე მოუწევს.

"დღეს, ჩრდილოეთ კორეის ელჩი დაიბარეს და აცნობეს, რომ პერსონა ნონ გრატად გამოცხადდა. მან ქვეყანა 30 სექტემბრამდე უნდა დატოვოს", - ნათქვამია განცხადებაში.

შეგახსენებთ, რომ ჩრდილოეთ კორეამ 15 სექტემბერს მორიგი ბალისტიკური რაკეტა გამოსცადა. რაკეტის გაშვებიდან 4 დღის შემდეგ, გაეროს უშიშროების საბჭომ ფხენიანთან ურთიერთობაში შეზღუდვების დაწესების შესახებ რეზოლუცია მიიღო.

ცნობისთვის, ესპანეთის მსგავსად ჩრდილოეთ კორეის ელჩი ნონ გრატად მექსიკაშიც გამოცხადდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები