ჯორჯიის შტატში სამართალდამცველებმა ლგბტ თემის წარმომადგენელი მოკლეს

2017-09-18 11:01:04, 2236 ნახვა

მსოფლიო

ჯორჯიის შტატში სამართალდამცველებმა ლგბტ თემის წარმომადგენელი, სტუდენტი სკოტ შულცი მოკლეს, - ამის შესახებ BBC იუწყება.

მედია საშუალების ინფორმაციით, პოლიციის განყოფილებაში შევიდა შეტყობინება, რომ ატლანტის კოლეჯის კამპუსში დანით და ცეცხლსასროლი იარაღით შეიარაღებული პირი იმყოფებოდა.

უნივერსიტეტის კამერამ დააფიქსირა თუ როგორ არ დაემორჩილა შულცი სამართალდამცველების მოთხოვნას, იარაღი დაეგდო.

ამასთან, გარდაცვლილის დედამ განაცხადა, რომ პოლიციას ლეტალური იარაღი არ უნდა გამოეყენებინა.

მედიის ცნობით, უნივერსიტეტის კამერის მიერ გადაღებულ ვიდეოში, ისმის თუ როგორ ამბობს სკოტ შულცი: "მესროლეთ!".

გამომძიებლების ინფორმაციით, დადგინა, რომ შულცს თან ცეცხლსასროლი იარაღი არ ჰქონია.

ის საავადმყოფოში მიყვანის დროს გარდაიცვალა. აღნიშნული ინციდენტის შედეგად პოლიციელი ან სხვა მოქალაქე არ დაშავებულა.

შულცის დედამ მოგვიანებით აღნიშნა, რომ მის შვილს ფსიქოლოგიური პრობლემები ჰქონდა და 2 წლით ადრე თვითმკვლელობა სცადა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები