2017-08-26 01:30:50, 2406 ნახვა
საზოგადოება
ბორჯომის ხეობაში ვერტმფრენებმა ნისლის გამო დილიდან მუშაობა ვერ განაახლეს
ინფრასტრუქტურის მინისტრის ზურაბ ალავიძის ინფორმაციით, ბორჯომის ხეობაში სტიქიის სალიკვიდაციო შტაბი მუშაობას დილიდან აგრძელებს.
ამასთან, მისივე თქმით, მიუხედავად იმისა, რომ ავიაცია ადგილზე რჩება, ნისლის გამო ის ამ დროისთვის ვერ მუშაობს.
"ავიაცია ადგილზე რჩება. თუმცა ამ წუთას უამინდობის გამო ვერ მუშაობს, ნისლია. ჩვენი ორი ვერტმფრენი და ერთი თურქული მხარის ვერტმფრენი ადგილზეა. დანარჩენი ვერტმფრენები საჭიროების შემთხვევაში იმუშავებენ. ლოკალიზებულია ცეცხლის ძირითადი კერები, მიმდინარეობს სალიკვიდაციო სამუშაოები. რაიმე გართულებას არ უნდა ველოდეთ", - აცხადებს ზურაბ ალავიძე.
![]()
ავტორი: ,
epn.ge (@expressnews.ge)
