საპარლამენტო უმრავლესობის ლიდერი არჩილ თალაკვაძე პარლამენტის რიგგარეშე სხდომაზე ჩრდილოატლანტიკურ ალიანსთან დაკავშირებით,  ეროვნულ-დემოკრატიული ინსტიტუტის (NDI) კვლევებს გამოეხმაურა.

როგორც თალაკვაძემ აღნიშნა, კვლევები თავად  საზოგადოებამ უნდა შეაფასოს, თუ რამდენად  გამოხატავს ის მათ განწყობებს.

მისივე განმარტებით, ნატო-სთან თავსებადობის მიმართულებით საქართველოს ხელშესახები პროგრესი აქვს:

„რაც შეეხება ნატო-ს, ამ კვლევებზე კომენტარის გაკეთება ზედმეტია. საზოგადოებამ შეაფასოს, ეს კვლევები რამდენად გამოხატავს მათ განწყობებს, მაგრამ როცა ნატო-ზე ვსაუბრობთ, ნატო-სთან თავსებადობის მიმართულებით ჩვენ გვაქვს ხელშესახები პროგრესი და ეს არის თავად ნატო-ს შეფასების ანგარიშებში გამოხატული“,-აღნიშნა თალაკვაძემ.

ეროვნულ-დემოკრატიული ინსტიტუტის (NDI) საზოგადოებრივი აზრის კვლევის თანახმად, ნატო-ში გაწევრიანებას მხარს გამოკითხულთა 66% უჭერს, 23%-ისთვის  კი ალიანსში გაწევრიანება მიუღებელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს