იუსტიციის უმაღლესი საბჭოს წევრის, ქუთაისის სააპელაციო სასამართლოს თავმჯდომარის, დიმიტრი გვრიტიშვილის განცხადებით, პრეტენზიები იმის თაობაზე, რომ ამა თუ იმ სასამართლოს თავმჯდომარის არჩევის წესი ხარვეზიანია, მისთვის მიუღებელი და დაუსაბუთებელია.

გვრიტიშვილის განმარტებით, კანდიდატთან, რომელიც არის წარმოდგენილი თავმჯდომარის თანამდებობაზე, ტარდება გასაუბრება და ყველას აქვს შესაძლებლობა, შეაფასოს არის თუ არა ის შესაბამისი დასაკავებელი თანამდებობისთვის.

„დღეს მოქმედი კანონმდებლობით, იუსტიციის უმაღლესი საბჭოს დისკრეციულ უფლებამოსილებას წარმოადგენს, რომ დაინიშნოს თავმჯდომარე. კანონში არ არის გაწერილი ის პროცედურაც კი, რომლის პრაქტიკაც საბჭოს წინა შემადგენლობამ დაამკვიდრა და ჩვენც ვაგრძელებთ მას, რომ კანდიდატთან, რომელიცაა წარმოდგენილი თავმჯდომარის თანამდებობაზე, ტარდება გასაუბრება. ყველას აქვს შესაძლებლობა, შეაფასოს, არის თუ არა ეს კანდიდატი შესაბამისი დასაკავებელი თანამდებობისთვის. ამიტომ პრეტენზია, რომ ხარვეზიანია არჩევის წესი, ჩემი აზრით, მიუღებელი და დაუსაბუთებელია. იმ წესით, რომლითაც დღეს  ჩვენ ვიხელმძღვანელეთ, წარსული წლების განმავლობაში არიან დანიშნული თავმჯდომარეები და რაიმე სერიოზული პრეტენზიები მათ მიერ უფლებამოსილების განხორციელებასთან დაკავშირებით, არ გამოთქმულა“, - აღნიშნა დიმიტრი გვრიტიშვილმა.

იგი ასევე არ ეთანხმება არასამთავრობო ორგანიზაციების შეფასებებს, რომ საქალაქო სასამარათლოს თავმჯდომარის კანდიდატურა იუსტიციის უმაღლესი საბჭოს მოსამართლე წევრებთან წინასწარ იყო შეთანხმებული.

„ამგვარი შეთანხმება არ არსებობს. გიორგი მიქაუტაძემ წარმოადგინა კანდიდატურა ვასილ მშვენიერაძის. იგი არის პატიოსანი, კარგი მენეჯერული უნარის მქონე ადამიანი. 9 წლის განმავლობაში ეკავა თავმჯდომარის თანამდებობა სხვადასხვა სასამართლოში. მას გააჩნია ავტორიტეტი სასამართლო სისტემაში, რამაც მოგვცა შესაძლებლობა, ყოველგვარი წინასწარი შეთანხმების გარეშე მიგვეღო ასეთი გადაწყვეტილება“, - განაცხადა დიმიტრი გვრიტიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გზების დეპარტამენტი: საქართველოში ფასიანი გზები არ იქნება

წილოსანი: არავინ დაბულინგდება, რომ ივანიშვილის შექება მოგვერიდოს

აშშ-ში ქართველი მიგრანტი ICE-ის პატიმრობაში გარდაიცვალა

შსს-მ ნარკოდანაშაულის ბრალდებით 119 პირი დააკავა, მათ შორის 49 ნარკორეალიზატორია