საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ კერძო სახლი საკარმიდამო მიწის ნაკვეთით გურიისა და იმერეთის რეგიონებში მცხოვრები  130  ეკომიგრანტი ოჯახისთვის შეისყიდა.

უწყების პრესსამსახურის ინფორმაციით, დევნილთა და განსახლების მინისტრმა სოზარ სუბარმა იმერეთისა და გურიის რეგიონებში სტიქიით დაზარალებული ოჯახებისთვის  გადაცემული სახლები დაათვალიერა.

როგორც ლტოლვილთა და განსახლების მინისტრმა სოზარ სუბარმა აღნიშნა, ბოლო ოთხი წელია ეკომიგრანტების საცხოვრებელი ფართებით დაკმაყოფილების პროექტი მოქმედებს, რომელიც წლის განმავლობაში  იყო გაჩერებული.

„ისეთ ოჯახებში ვიყავით, რომლებსაც ღამეები არ ეძინათ იმის შიშით როდის ჩამოინგრეოდა მათი სახლი. დღეს,  მათ საკუთარი საცხოვრებელი სახლები  და მიწის ნაკვეთები აქვთ. ამ ადამიანებს გაუჩნდათ არა მხოლოდ უსაფრთხო საცხოვრებელი, არამედ გაუჩნდათ კარგი შემოსავლის წყაროც“, - განაცხადა სოზარ სუბარმა.

ეკომიგრანტი ოჯახი თავად არჩევს კერძო სახლს მიწის ნაკვეთით საქართველოს ნებისმიერ რეგიონში,  კრიტერიუმების დაკმაყოფილების შემთხვევაში კი, სამინისტრო აღნიშნულ სახლს შეისყიდის. 

თანხის  მაქსიმალური რაოდენობა 25 000 ლარს შეადგენს.  

2013 წლიდან დღემდე, დევნილთა და განსახლების სამინისტრომ, საქართველოს მასშტაბით, სახლი უკვე  400-მდე სტიქიით დაზარალებულ ოჯახს შეუსყიდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა