სოფლის მეურნეობის მინისტრის მოადგილემ, რევაზ ასათიანმა შვეიცარიის საელჩოსა და ქართულ-შვეიცარული ბიზნესასოციაციის მიერ ორგანიზებულ კონფერენციაში „პროფესიული სწავლებისა და ტრენინგის შვეიცარული მოდელი“  მონაწილეობა  მიიღო.

სოფლის მეურნეობის სამინისტროს ინფორმაციით, კონფერენციაზე საქართველოში პროფესიული განათლების შვეიცარული გამოცდილებისა და ცოდნის,  როგორც მოდელის, გაზიარების საკითხები განიხილეს.

როგორც სოფლის მეურნეობის მინისტრის მოადგილემ მისასალმებელ სიტყვაში აღნიშნა, საქართველოში პროფესიული განათლების სისტემის ჩამოყალიბებაში დიდ როლს საერთაშორისო თანამშრომლობის მხარდაჭერა წარმოადგენს.

აღსანიშნავია, რომ საქართველოს მთავრობამ განათლების რეფორმა ერთ-ერთ პრიორიტეტად დაისახა.

 რეფორმის ერთ-ერთი მიმართულება დასაქმების ბაზარზე ორიენტირებული პროფესიული განათლების სისტემის ჩამოყალიბებას და პოპულარიზაციას გულისხმობს. ამ მხრივ, შვეიცარიის დუალური პროგრამა, რაც თეორიული სწავლებისა და პრაქტიკული გამოცდილების ერთობლიობას წარმოადგენს მსოფლიოში აღიარებულია.

ღონისძიებას შვეიცარიის ელჩი საქართველოში ლუკას ბეგლინგერი, ქართულ-შვეიცარული ბიზნესასოციაციის პრეზიდენტი მიხეილ მიქელაძე, განათლებისა და მეცნიერების სამინისტროს, პროფესიული განათლების განვითარების დეპარტამენტის უფროსის მოადგილე თამარ სამხარაძე, შვეიცარიის თანამშრომლობის ოფისის და შვეიცარული კომპანიების წარმომადგენლები ესწრებოდნენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა