2017-06-01 14:48:07, 1845 ნახვა
საზოგადოება
მეუფე იოანე: წმინდა სინოდის სხდომა განიხილავს, კანონიკური წესების შესაბამისად იქცევა თუ არა მეუფე პეტრე
რუსთავისა და მარნეულის მიტროპოლიტის იოანე გამრეკელის განცხადებით, ჭყონდიდის მიტროპოლიტის, მეუფე პეტრე ცაავას საკითხს წმინდა სინოდის სხდომაზე განიხილავენ.
როგორც მიტროპოლიტმა იოანემ აღნიშნა, მეუფე პეტრეს ქმედებებსა და განცხადებებს სინოდი გარკვეულ შეფასებას მისცემს.
"სინოდი განიხილავს მას საკითხს. ეს არ არის კერძოდ ჩემი გადასაწყვეტი ან სათქმელი. როდის განიხილება საკითსი, თარიღი ჩვენ არ ვიცით წინასწარ", - აღნიშნა რუსთავისა და მარნეულის მიტროპოლიტმა.
შეგახსენებთ, წმინდა სინოდის სხდომა წელიწადში ორჯერ იმართება, სხდომაზე განსახილველ საკითხებს კი საქართველოს კათოლიკოს-პატრიარქი ადგენს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
