2017-05-22 11:23:10, 2539 ნახვა
მსოფლიო
ბრაზილიაში პრეზიდენტის გადადგომის მოთხოვნით დემონსტრაციები იმართება
ბრაზილიის სხვადასხვა ქალაქებში პრეზიდენტის გადადგომის მოთხოვნით ასობით ათასი ადამიანი გამოვიდა, - ამის შესახებ BBC იუწყება.
მედია საშუალების ინფორმაციით, დემონსტრაციები ქვეყნის მასშტაბით მას შემდეგ დაიწყო, რაც ინტერნეტ პორტალმა „გლობომ“ აუდიოჩანაწერი გამოაქვეყნა, სადაც პრეზიდენტი მიშელ თემერი, დეპუტატთა პალატის ყოფილი თავმჯდომარის დუმილის სანაცვლოდ, მისთვის 630 ათასი დოლარის ოდენობით ქრთამის გადახდის განკარგულებას გასცემს.
აღნიშნული ჩანაწერის გასაჯაროების შემდეგ, უზენაესმა სასამართლომ, პრეზიდენტის წინააღმდეგ გამოძიების დაწყების ნებართვა ერთ-ერთმა დეპუტატის მიმართვის საფუძველზე გასცა. თავად პრეზიდენტი ბრალდებას უარყოფს და პოსტის დატოვებაზე უარს აცხადებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
