საზოგადოების დიდი ნაწილი კონსტიტუციური ცვლილებების საყოველთაო-სახალხო განხილვის ჩაშლით უკმაყოფილო დარჩა.

ისინი ამბობდნენ, რომ კონსტიტუციურ ცვლილებებთან დაკავშირებით კითხვებზე პასუხების ცივილიზებულ გარემოში მოსმენა სურდათ.

მათი თქმით, გარკვეულმა ჯგუფებმა მოაწყვეს პროვოკაცია, რასაც თავადაც უნდა შეწინააღმდეგებოდნენ, თუმცა ვერ მოახერხეს.

„ნაძირლებმა ამდენ ხალხს გადაგვიარეს“,-აღნიშნავდნენ შეხვედრის ჩაშლის შემდეგ მოქალაქეები.

ცნობისთვის, დარბაზში შეკრებილმა „აუდიტორია115“-ის წარმომადგენლებმა, ასევე გაერთიანება "ქართული მისიის" წევრებმა და საზოგადოებრივი მოძრაობა „ეროვნულების“ წევრებმა პარლამენტის თავმჯდომარეს კონსტიტუციური ცვლილებების წარდგენის საშუალება არ მისცეს. „აუდიტორია“ 115-ის წევრები კონსტიტუციის დონეზე შრომითი უფლებების გაწერას ითხოვდნენ. სხვების მთავარი მოთხოვნა კი უცხოელებზე  მიწების გასხვისების აკრძალვა იყო. „ქართული მიწა არ იყიდება“, -სკანდირებდნენ ისინი.

ფრაქცია „ქართული ოცნების“ თავმჯდომარე მამუკა მდინარაძემ  მათ რამდენჯერმე მოუწოდა, დამშვიდებულიყვნენ და მოესმინათ ყველა კითხვაზე პასუხი კონსტრუქციულ რეჟიმში, თუმცა უშედეგოდ. საბოლოოდ, პარლამენტის თავმჯდომარემ შეხვედრის დასრულების გადაწყვეტილება მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს