ვარკეთილში, შინაგან საქმეთა სამინისტროს მიმდებარე ტერიტორიაზე სპეცოპერაცია დასრულდა. 
გავრცელებული ინფორმაციით, პოლიციამ პატრულის  თანამშრომლის  სავარაუდო მკვლელის პირად ნივთებს მიაგნო. 

ამ დორისთვის ქუჩაში ნაპოვნია ტანსაცმელი და რენოს ტიპის ავტომობილი. ავტომობილს საქარე მინაზე ტყვიის კვალი აქვს. ტანსაცმელს კი, ექსპერტები სწავლობენ. 

ამ ადგილას სპეცოპერაცია, ადგილობრივების თქმით, სავარაუდოდ 04:00 საათიდან დაიწყო.  ისინი  საცხოვრებელ კორპუსებს ამოწმებდნენ.

 გავრცელებული ინფორმაციით,  ეჭვმიტანილი  ავტონაწილების ბაზრის სავაჭრო ტერიტორიაზე იმყოფებოდა, რის გამოც ბაზრიდან ხალხის ევაკუაცია განხორციელდა. სამძებრო სამუშაოები  ჯავახეთის ქუჩაზეც  ტარდებოდა, სადაც გუშინ ტრაგიკული შეთხვევა მოხდა. 

სპეცოპერაციის შედეგთან დაკავშირებით შსს–ს ჯერჯერობით ოფიციალური განცხადება არ გაუკეთებია. 

 შეგახსენებთ, შსს-ს ისანი-სამგორის სამმართველოს მე-8 განყოფილების უბნის ინსპექტორ-გამომძიებელი ბექა მარგიშვილი დეტექტივის თანაშემწე - გამომძიებელ ვალერიან გრძელიშვილთან ერთად 4 აპრილს, საღამოს საათებში, თბილისში, ვარკეთილის მეტროსთან, ჯავახეთის ქუჩაზე, სამსახურებრივ მოვალეობას ასრულებდა, რა დროსაც მათ გადამოწმების მიზნით პიროვნება შეაჩერეს. აღნიშნულმა პირმა მოულოდნელად პოლიციელების მისამართით ცეცხლსასროლი იარაღიდან ცეცხლი გახსნა და შემთხვევის ადგილიდან მიიმალა. სროლის შედეგად ორივე სამართალდამცველი დაიჭრა. მიყენებული ჭრილობების შედეგად ბექა მარგიშვილი საუნივერსიტეტო კლინიკაში გადაყვანის შემდეგ გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა