მსოფლიოში მოსახლეობის ბედნიერების ინდექსით საქართველო 125-ე ადგილზეა, - ამის შესახებ Deutche Welle იუწყება.

World Happiness Report-ის რეიტინგში პირველ ადგილს ნორვეგია იკავებს. ლიდერების სიაში ასევე დანია და ისლანდია შედიან და 2-3 ადგილს ინაწილებენ. 10-ეულში ასევე შედიან: შვეიცარია, ფინლანდია, ნიდერლანდები, კანადა, ახალი ზელანდია, ავსტრალია და შვედეთი.

როგორც Deutche Welle წერს, ამერიკის შეერთებული შტატები ის ქვეყანაა, სადაც ბედნიერების ინდექსი ყოველწლიურად იკლებს.

რეიტინგიდან ირკვევა, რომ გერმანიის მოსახლეობა ბედნიერების ინდექსით მე-16 ადგილზეა, აშშ - მე-14, ამასთან, როგორც მკვლევარები აღნიშნავენ, მიუხედავად იმისა, რომ ბოლო ათწლეულების განმავლობაში, ამერიკელების შემოსავალი ყოველწლიურად იზრდება, მათი ბედნიერების ინდექსი იკლებს. უკრაინა კი 132-ე ადგილს იკავებს, ბელარუსი 67-ე, ყაზახეთი 60 ადგილს იკავებს, ხოლო რუსეთი 49-ე ადგილზეა.

World Happiness Report-ის მკვლევარებმა, ის 3 ქვეყანაც დაასახელეს, სადაც მოსახლეობის ბედნიერების ინდექსი ყველაზე დაბალია. ესენია: ტანზანია - 153 ადგილი, ბურუნდი 154 ადგილი და ცენტრალური აფრიკის რესპუბლიკა - 155 ადგილი.

მედია საშუალების ინფორმაციით, World Happiness Report რეიტინგი გაერო-ს დაკვეთით მომზადდა. საკვლევ პერიოდად 2014-2016 წლები იყო არჩეული. მკვლევარებმა რეიტინგი იმის მიხედვით შეადგინეს, თუ რამდენად ენდობა მოსახლეობა მთავრობას, რამდენად კარგ პირობებში ცხოვრობს, როგორია სიცოცხლის ხანგრძლივობა, საქველმოქმედო საქმიანობის არსებობა და მთავრობის მხრიდან სოციალური დახმარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს