2017-03-15 12:01:59, 1290 ნახვა
საზოგადოება
ფიზიკური დაპირისპირება რესტორანში - მსუბუქად დაიჭრა ერთი თანამშრომელი
თბილისში, კანდელაკის ქუჩაზე მდებარე ერთ-ერთ რესტორანში, წუხელ მოქალაქეებს შორის ფიზიკური დაპირისპირება მოხდა.
შემთხვევის შედეგად რამდენიმე ადამიანი დაშავდა, თანამშრომელი ქალი კი ხელში მსუბუქად დაიჭრა. დაშავებულები საავადმყოფოში გადაიყვანეს და დაზიანებული ადგილები დაუმუშავეს. ექიმების განცხადებით, მათ სიცოცხლეს საფრთხე არ ემუქრება. ჩხუბის მიზეზი ამ დრომდე უცნობია.
გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
