2017-03-14 15:32:19, 1229 ნახვა
საზოგადოება
პრემიერი გუდაურში 360-გრადუსიანი ხედის საკონფერენციო ცენტრის აშენების ინიციატივით გამოდის
საქართველოს პრემიერ-მინისტრი გიორგი კვირიკაშვილი გუდაურის ერთ-ერთ ყველაზე მაღალ წერტილზე, 360-გრადუსიანი ხედის საკონფერენციო ცენტრის აშენების ინიციატივით გამოდის.
ამის შესახებ პრემიერმა მთავრობის დღევანდელ სხდომაზე განაცხადა.
მისი თქმით, საკონფერენციო ცენტრი უნდა აშენდეს ერთ-ერთ ყველაზე მაღალ წერტილზე, სადამდეც გუდაურის საბაგირო მივა.
მშენებლობისთვის შესაბამისი ადგილის შერჩევა პრემიერ-მინისტრმა ეკონომიკისა და მდგრადი განვითარებისა და რეგიონული განვითარებისა და ინფრასტრუქტურის სამინისტროებს დაავალა.
კვირიკაშვილის შეფასებით, გუდაურში მსგავსი სივრცის არსებობა, ტურიზმის განვითარებას ხელს მნიშვნელოვნად შეუწყობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
