27-30 ივლისს ბათუმში, შავი ზღვის სანაპიროზე ყველაზე მასშტაბური შავი ზღვის რიგით მე-11 ჯაზფესტივალი გაიმართება, რომელშიც ტრადიციულად მსოფლიოში ცნობილი შემსრულებლები მიიღებენ მონაწილეობას.

კონცერტები 4 დღის განმავლობაში ყოველ საღამოს ბათუმის ჩოგბურთის კლუბში ჩატარდება.

როგორც "თიბისი გალერეაში" გამართულ ღონისძიებაზე გახდა ცნობილი, 2017 წლის ჯაზფესტივალის მონაწილე მუსიკოსები არიან: JAMIROQUAI, JOSS STONE, DE LA SOUL, CORY HENRY AND THE APOSTELS, MF ROBOTS.

ფესტივალს გახსნის CORY HENRY AND THE APOSTELS-ის კონცერტი.

აღსანიშნავია, რომ პირველად შავი ზღვის ფესტივალზე ჯგუფი JAMIROQUAI ახალი ალბომით წარსდგება.

ბილეთების გაყიდვა 27 მარტს დილის 09:00 საათზე დაიწყება, ონლაინ ვებ გვერდზე www.ticket.ge. 

სიახლეა ის, რომ პირველად შემოდის ბილეთების დაზღვევა. თუკი, მოქალაქე კონცერტზე წასვლას ვეღარ შეძლებს, ბილეთის დაზღვევის შემთხვევაში, მას თანხა სრულად აუნაზღაურდება.  ამასთან, ბილეთების "თიბისი სტატუს" და "პრაიმ ბარათების" შეძენისას, ექსკლუზიური ფასი იმოქმედებს.

გარდა ამისა, ტექნიკურ ნაწილში განხორციელდა ცვლილებები, რაც გულისხმობს იმას, რომ გამოყოფილია 3 ზონა და კონცერტზე დამსწრეთა მსურველებს ერთი შესასვლელით სარგებლობა აღარ მოუწევთ. 

ფესტივალის ორგანიზატორი კომპანია "ისთერნ ფრომოუშენია", ხოლო წარმდგენი "თიბისი ბანკის პერსონალური საბანკო მომსახურება - "თიბისი სტატუსი". ფესტივალის მხარდამჭერია საქართველოს კულტურისა და ძეგლთა დაცვის სამინისტრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს