2017-03-13 22:52:25, 1415 ნახვა
საზოგადოება
კალაძე: ყველა ის ადამიანი, ვინც ჩართული იყო ამ პროცესში, კანონის წინაშე აგებს პასუხს
ყველა ის ადამიანი, ვინც ჩართული იყო ამ პროცესში, ვისაც დანაშაული აქვს ჩადენილი, აუცილებლად კანონის წინაშე აგებს პასუხს – მათ შორის, ამ კონკრეტულ პიროვნებას თუ აქვს დანაშაული, - ასე უპასუხა ენერგეტიკის მინისტრმა კახა კალაძემ ჟურნალისტის შეკითხვას იმის თაობაზე, თუ რატომ არ დაიკითხა მერაბ ღოღობერიძე, რომელსაც ბათუმის აქციის ორგანიზატორად ასახელებენ.
ვიცე პრემიერის განცხადებით, მისთვის გაუგებარია, რას ნიშნავს “თათარი” და “სათათრეთი” და ვის უწოდებდნენ ამ სიტყვას.
“რას ნიშნავს “თათარი” ან “თათრები”?! ან რამე რეგიონი გვაქვს ეგეთი, ან რელიგია რაიმე?! – გაუგებარია. ჩვენ ამ განცხადებებს ვისმენდით რამდენიმე საათის განმავლობაში და წინა დღეებშიც. ეს ძალიან სახიფათო და მძიმე მოსასმენი იყო”,- აღნიშნა მან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
