პატრიარქის ექიმის ცისანა შარტავას განცხადებით, ილია მეორის მდგომარეობა სტაბილურია.

თუმცა, როგორც შარტავამ აღნიშნა, პატრიარქი გერმანელი და ქართველი სპეციალისტების რჩევას ვერ ასრულებს და მძიმე გარემოში უხდება ყოფნა. მისივე თქმით, დატვირთულმა გარემომ და ამ პერიოდში მძიმე მარხვის დაწყებამ შესაძლოა მომავალში პატრიარქს დისკომფორტი შეუქმნას. 

"​უწმინდესის ჯანმრთელობის მდგომარეობა სტაბილურია. როგორც შეეფერება ოპერაციიდან ამ ეტაპს, ყველაფერი კარგად მიდის. ერთია რომ გერმანელი და ჩვენი სპეციალისტების თხოვნა იყო, რომ 5-6 კვირის განმავლობაში, მას ჰქონოდა მშვიდი რეჟიმი და რაც შეიძლება ნაკლები დატვირთვა, რასაც სამწუხაროდ ჩვენ ვერ ვასრულებთ. ახლა, ყველაფერი კარგადაა, მაგრამ ვშიშობთ, ამის გამო, მომავალში რაღაც დიკსომფორტი არ შეექმნას. ამიტომ ჩვენ სპეციალისტები ვთხოვთ უწმინდესის გარემოცვას, როგორღაც შემსუბუქდეს მისი დატვირთვა. ახლა მძიმე მარხვა დაიწყო, ძალიან დიდი დატვირთვაა, ამიტომ ჩვენ ექიმებს რაიმეს თქმა გვიჭირს. თუმცა, ყველაფერი კარგად იქნება. ჯანმრთელობის მდგომარეობა სტაბილურია. ჩვენ ძალიან კმაყოფილები ვართ ამ მდგომარეობით", - განაცხადა ცისანა შარტავამ.

მისივე ინფორმაციით, პატრიარქი ​საღამოს 6 საათზე, სამების საკათედრო ტაძარში ანდრია კრიტელის ლოცვას დაესწრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა