სან-ფრანცისკოს სააპელაციო სასამართლომ პრეზიდენტ დონალდ ტრამპის საიმიგრაციო ბრძანების აღდგენაზე უარი განაცხადა, - ამის შესახებ BBC იუწყება. 

მედია საშუალების იფნორმაციით, დონალდ ტრამპის ადმინისტრაცია ბრძანების კომპეტენტურიბის დამტკიცებას აშშ-ის უზენაეს სასამართლოში შეეცდება. 

სააპელაციო სასამართლოს მიერ გავრცელებულ განცხადებაში ნათქვამია, რომ იუსტიციის სამინისტრო პრეზიდენტის მოქმედების ეჭვქვეშ დაყენებას დაუშვებლად მიიჩნევდა, თუმცა მოსამართლეები ამბობენ, რომ საკითხი აშშ-ის ეროვნულ უსაფრთხოებას ეხება და მსგავსი მიდგომა მიუღებელია.  

კერძოდ კი, ამერიკის შეერთებული შტატების იუსტიციის სამინისტრომ დონალდ ტრამის საიმიგრაციო პოლიტიკას მხარი დაუჭირა და სააპელაციო სასამართლოს მოუწოდა მისი მოქმედება ეროვნული უსაფრთხოების ინტერესებიდან გამომდინარე აღადგინოს. 

აღნიშნულ საკითხს ქვეყნის პრეზიდენტი უკვე გამოეხმაურა. 

როგორც ტრამპი Twitter-ის საკუთარ გვერდზე წერს, ის საკითხის სასამართლოში გაპროტესტებას აპირებს. 

„სასამართლოში შევხდებით. ჩვენი ქვეყნის უსაფრთხოება რისკის ქვეშ არის“, - წერს დონალდ ტრამპი.

შეგახსენებთ, რომ დონალდ ტრამპის გადაწყვეტილებით, შვიდი მუსლიმი ქვეყნის მოქალაქეებს ამერიკაში შესვლა 90 დღის განმავლობაში აეკრძალათ. ამ განკარგულებამ აეროპორტებში ქაოსი გამოიწვია, ვინაიდან ირანის, ერაყის, ლიბიის, სომალის, სუდანის, სირიისა და იემენის მოქალაქეებს ქვეყანაში შესვლის უფლებას არ აძლევდნენ. ამასთან, განკარგულების თანახმად, ამერიკის ტერიტორიაზე შესვლა სირიელ ლტოლვილებს გაურკვეველი ვადით აეკრძალათ. აღნიშნულ განკარგულებას, დონალდ ტრამპმა ხელი 28 იანვარს მოეწერა. აშშ-ის სახელმწიფო დეპარტამენტის ცნობით, პრეზიდენტის განკარგულების შემდეგ, ვიზა 60 000-მდე პირს გაუუქმდა. ტრამპის გადაწყვეტილებას მასობრივი საპროტესტო აქციები მოჰყვა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო