რუსეთის ირკუტსკის ოლქში ბოლო 2 დღის განმავლობაში პარფიუმერული კონცენტრატით მოწამლვის შედეგად 52 ადამიანი დაიღუპა, - ამის შესახებ "რია-ნოვოსტი" იუწყება.

მედია საშუალების ინფორმაციით, ოლქის მთელ ტერიტორიაზე საგანგებო მდგომარეობა გამოცხადდა. ირკუტსკში სპირტის შემცველი არასაკვები პროდუქციის გაყიდვა აიკრძალა. აკრძავა მაღაზიების შემოწმების დასრულებამდე იმოქმედებს.

როგორც სააგენტო წერს, მოწამლულებმა პარფიუმერული კონცენტრატი სახელწოდებით “ბოიარიშნიკი” დალიეს. სითხის შემადგენლობაში მეთილის სპირტი აღმოჩნდა. 

BBC-ის ცნობით, მოწამლვის შედეგად 54 ადამიანი გარდაიცვალა. რუსეთის ჯანდაცვის მინისტრის ინფორმაციით, საავადმყოფოშია გადაყვანილი 28 ადამიანი, 13 მათგანიდან მძიმე მდგომარეობაშია. 

ირკუტსკის ოლქის გუბენატორის განცხადებით, პოლიციამ რეგიონში სპირტის შემცველი პროდუქციის მწარმოებელი 2 არალეგალური საწარმო აღმოაჩინა. ერთ-ერთ მათგანში “ბოიარიშნიკის” ბოთლები და ტექნიკური სპირტის ავზები აღმოაჩინეს. დაკავებულია შვიდი ადამიანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ

საქართველოდან უცხო ქვეყნის 74 მოქალაქე გააძევეს

საუდის არაბეთმა ირანის წინააღმდეგ საიდუმლო საჰაერო დარტყმების სერია დაიწყო