საქართველოს უზენაეს სასამართლოსთან "რუსთავი 2"-ის საქმესთან დაკავშირებით, ტელეკომპანიის მხარდამჭერები აქციას მართავენ.

აქციაზე ასევე იმყოფებიან "ნაციონალური მოძრაობის" წევრები და ტელეკომპანიის თანამშრომლები.

როგორც ჟურნალისტებს "რუსთავი 2"-ის გენერალური დირექტორის მოადგილემ, ზაალ უდუმაშვილმა განუცხადა, აქციის მიზანია კიდევ ერთხელ შეახსენონ საქართველოს უზენაეს სასამართლოს, თუ რა მნიშვნელოვან გადაწყვეტილებას იღებს დღეს ქართული ინსტანციის ყველაზე მაღალი მართლმსაჯულება.

"ეს არის უმნიშვნელოვანესი გადაწყვეტილება ქვეყნისთვის და ჩვენ გვინდა ის პასუხისმგებლობა შევახსენოთ კოლეგიას, რომელიც ახლა ზის და რუსთავი 2"-ის საქმეს განიხილავს. ძალიან რთულია რაიმე პროგნოზის გაკეთება, გამომდინარე იქიდან, თუ რა პროცესები გამოიარა ტელეკომპანიამ. მე მაინც იმედს ვიტოვებ, რომ საღი აზრი გაიმარჯვებს უზენაეს სასამართლოში და ჩვენი საქმე დაუბრუნდება წინა ინსტანციას განსახილველად", - განაცხადა უდუმაშვილმა.

უზენაეს სასამართლოსთან მიბილიზებულია საპატრულო პოლიცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააფთიაქო ნარკომანიის საქმეზე ერთ-ერთი ბრალდებული ჯანდაცვის მინისტრის ყოფილი მოადგილეა

თიბისი საერთაშორისო ტექნოლოგიური კონფერენცია Change Inspire 2026-ის მთავარი მხარდამჭერია

რუსეთმა შეზღუდა თევზის პროდუქტების მიწოდება ყველა სომხური საწარმოდან

აშშ ვენესუელას მიწისძვრის შედეგად დაზარალებულთა დასახმარებლად 150 მილიონ დოლარს გამოყოფს