ხაშურისა და ქარელის სასწრაფო სამედიცინო დახმარების რაიონულ ცენტრებს ახალი ადმინისტრაციული შენობები გადაეცა.

პერსონალის ახალ სამუშაო გარემოს რეგიონული სასწრაფო სამედიცინო დახმარების ცენტრის დირექტორი დავით ტორუა პირადად გაეცნო.

ხაშურისა და ქარელის სასწრაფო სამედიცინო დახმარების რაიონულ ფილიალებს ფართი ადგილობრივმა მუნიციპალიტეტებმა გამოუყო. ახალ შენობებში შიდა რეკონსტრუქციისა და მოსაპირკეთებელი, ელექტროსამონტაჟო, თბოტექნიკური, წყალმომარაგებისა და გარე სარეაბილიტაციო სამუშაოები ჩატარდა. სასწრაფო სამედიცინო დახმარების ცენტრმა რაიონული ფილიალები საყოფაცხოვრებო და კომპიუტერული ტექნიკით სრულად აღჭურვა. ამ დრომდე, ხაშურისა და ქარელის სასწრაფო დახმარების რაიონული ცენტრის თანამშრომლები კერძო შენობის სივრცეში იყო განთავსებული.

ადმინისტრაციული შენობები უკვე გადაეცა სასწრაფო სამედიცინო დახმარების გურჯაანის, ყვარლის, თიანეთის, დმანისის, ჩაქვის, ქუთაისის, ტყიბულის, ზესტაფონის, ხარაგაულის, ოზურგეთისა და ქედის რაიონულ ფილიალებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე ვახტანგი - ეკლესიაში ახალი პატრიარქის არჩევის შემდეგ ახალი რეფორმები გატარდება

სამების ტაძარში სინოდის გაფართოებული კრება მიმდინარეობს

საქართველოში უფრო მეტი ადამიანი დაუსაქმებელი რჩება, დასაქმების დონე 0.2 პროცენტული პუნქტით შემცირდა

მეუფე იოანე - აშკარაა, რომ გამოცდილება მეუფე შიომ მიიღო უშუალოდ პატრიარქთან ურთიერთობისას