ქუთაისში 90-ე საარჩევნო უბანზე წარმოუდგენელი რამ ხდება, მე არ მეგონა თუ ეს ხელისუფლება ასეთი დაცემული იყო. აქ არჩევნებია, დუელი ხომ არ გვაქვს და ერთმანეთს, ხომ არ ვხოცავთ, - ამის შესახებ "ნაციონალური მოძრაობის" კანდიდატმა გიგი წერეთელმა "რუსთავი 2"-ის ეთერში საარჩევნო უბანზე მომხდარი დაპირისპირების კომენტირებისას განაცხადა.

როგორც წერეთელმა აღნიშნა, სიტუაცია იმდენად დაიძაბა, რომ კორცხელზე უარესი შედეგების მიღება იყო მოსალოდნელი.

"თითქმის ყველა უბნიდან მოდის ინფორმაცია, რომ იქ აპირებენ შევარდნას. თუ ეგზიტპოლები ასეთია და ასე იგებს "ქართული ოცნება", ფაქტია, რომ ეს ყალბი შედეგებია და ტყუილია. თითქმის ყველა უბანს ვიგებ. ახლა მასიურად დაიწყო ხან გაბათილებაზე ლაპარაკი, ხან რაღაც შევარდნებზე", - აღნიშნა წერეთელმა.

"ნაციონალური მოძრაობის" მაჟორიტარობის კანდიდატის ინფორმაციით, დაპირისპირების შესახებ მან პირადად შეატყობინა საოლქო კომისიის თავმჯდომარეს.

"ჩვენ დაგვირეკეს ერთ-ერთი უბნიდან სადაც დაძაბულია ვითარება. ადგილზე მივიდნენ მუნიციპალიტეტის თანამშრომლები და იქ სიტუაციის გამოსწორებას აპირებდნენ. 3-ჯერ ველაპარაკე პოლიციის უფროსს. იქ მართლაც მივიდა პოლიცია. შემდეგ დაგვირეკეს და გვითხრეს, რომ ბევრი მანქანით, სპორტული აღნაგობის ნასვამი ადამიანები დადიოდნენ ტერიტორიაზე. ამის შემდეგ უბანზე მივბრუნდით, გავაჩერეთ მანქანა. ეს ადამიანები დავინახეთ, მაგრამ მანქანიდან არ გადავედით, რადგან კონფლიქტს ავარიდეთ თავი. 30-40 ადამიანი იყო შეკრებილი. ველოდებოდით მათ წასვლას და ჩვენი მხარდამჭერების გამოსვლას. იქ ატყდა საშინელი დაპირისპირება. ბევრი ხალხი იყო, არბევდნენ ხან ჟურნალისტებს ხან კამერებს. მე როგორც დავინახე ერთ-ერთი კამერა დაამტვრიეს. როგორც კი ამ ადამიანებმა ჩვენ შეგვამჩნიეს, მოიტანეს საიდანღაც კამერა, დაგვადგნენ ჩვენ კითხვით "თქვენ აქ რას აკეთებთ?!"", - განაცხადა წერეთელმა.

როგორც პარტიის ლიდერმა აღნიშნა, 90-ე საარჩევნო უბანზე საშიშროება ამ დრომდე არსებობს.

"ახლა დათვლის პროცესია. როგორც მე ვიცი უბანზე ვიღაცეები შედიან-გამოდიან. ყუთი დალუქულია, არაუფლებამოსილი პირები ატარებენ ხმების დათლას და ხალხი ითხოვს, რომ თავიდან დაითვალოს ხმები", - აღნიშნა მან.

ცნობისთვის, ქუთაისის 90-ე საარჩევნო უბანზე დაპირისპირება მოხდა. ჟურნალისტების ინფორმაციით, GDS-ის და "რუსთავი 2"-ის გადამღებ ჯგუფს ფიზიკურად გაუსწორდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა