ირაკლი ღარიბაშვილი მძიმე შინაარსის ფილმის ჩვენებაზე დაბალი კლასების მოსწავლეების დასწრებას არ მიესალმება

2015-03-16 18:25:39, 3456 ნახვა

სპორტი

პრემიერ-მინისტრი ირაკლი ღარიბაშვილი სამეგრელოში მძიმე შინაარსის ფილმის ჩვენებაზე სკოლის მოსწავლეთა დასწრებას გამოეხმაურა და განაცხადა, რომ ამ ფაქტს არ მიესალმება. თუმცა, ამავე დროს ირაკლი ღარიბაშვილმა ეჭვი გამოთქვა, რომ შესაძლოა, ეს ყველაფერი პროვოკაცია იყო.

"დარბაზებში დაბალი კლასების მოსწავლეების მიყვანას არ მივესალმები, მაგრამ როგორც ამიხსნეს, შესაძლოა, ეს იყო პროვოკაცია, „თავისუფალი ზონის" წარმომადგენლების მიყვანა მოხდა. დღეს აღარ გვჭირდება ზედმეტი ემოციები და აგრესიები, აღარ გჭირდება პროვოკაციები. ორივე მხარეს მოვუწოდებ სიმშვიდისკენ და კიდევ ერთხელ მინდა მივმართო მოსახლეობას, რომ სახელმწიფო დგას მოწოდების სიმაღლეზე და ნებისმიერი პროვოკაცია იქნება აღკვეთილი,“ - განაცხადა ირაკლი ღარიბაშვილმა.

ცნობისთვის, საქართველოს განათლებისა და მეცნიერების სამინისტრომ სამეგრელოში არასამთავრობო ორგანიზაციის „ყველა თაობა საქართველოსთვის” მოწყობილ ფილმის ჩვენებაზე სკოლის მოსწავლეთა დასწრების ფაქტთან დაკავშირებით, ზუგდიდის, ხობის და ფოთის რესურსცენტრების და სკოლების ინსპქეტირება დაიწყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან