უზენაეს სასამართლოში საკონსტიტუციო სასამართლოს მოსამართლის კანდიდატურას განიხილავენ

2016-09-20 12:18:04, 1301 ნახვა

სამართალი

უზენაეს სასამართლოში პლენუმის სხდომა მიმდინარეობს, სადაც მოსამართლეებმა საკონსტიტუციო სასამართლოში მოსამართლის კანდიდატურა უნდა შეარჩიონ.

კანდიდატურის დასამტკიცებლად პლენუმის 15 კაციანი შემადგენლობიდან 10 წევრის თანხმობაა საჭირო.

შეგახსენებთ, რომ საკონსტიტუციო სასამართლოს თავმჯდომარე, გიორგი პაპუაშვილთან ერთად უფლებამოსილების ვადა, კიდევ 3 მოსამართლეს მიმდინარე თვეში ეწურებათ.

ცნობისთვის, ოთხი ვაკანტური ადგილიდან ერთზე მოსამართლე პარლამენტმა უნდა დანიშნოს, ერთი - უზენაესი სასამართლოს პლენუმმა, ორს კი პრეზიდენტი ნიშნავს.

ამასთან, საქართველოს პრეზიდენტმა მისი კვოტით განსაზღვრულ ადგილებზე, საკონსტიტუციო სასამართლოს მოსამართლეებად, ირინე იმერლიშვილი და გიორგი კვერენჩხილაძე უკვე დანიშნა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან